bakit mo nagawang maglihim
sa akin pala noo'y may pagtingin
nagawa mong itago tunay mong damdamin
buong akala ko kaibigan lang turing mo sa akin.
di mo man batid sayo noo'y may lihim na pagtingin din
subalit sayo'y naghintay, nais sa labi mo marinig
inaasam-asam bawat araw na iyong pakakawalan
matamis na "i love you" na aking inaabangan.
muling nag krus ang ating daan
sa pagkakataong di inaasahan
at muling naungkat ang mga nakaraan
tahimik na puso ko ngayo'y naguguluhan.
sa pagkakataong ito iyo ng inamin
na higit pa sa kaibigan ang tingin mo sa akin.
bakit ngayon ka lang nagtapat?
puso ko'y naipangako na sa iba
sumumpang sa kanya'y magiging tapat...
Sunday, 06 May 2007
